Actavis og FH endurnýja samstarfið

Actavis og FH endurnýja samstarfssamning sinn

Actavis og knattspyrnudeild FH hafa skrifað undir nýjan tveggja ára samstarfsamning. Þetta er 16. árið sem fyrirtækið er aðalstyrktaraðili FH en Actavis hefur stutt við uppbyggingu félagsins síðan 2001 þegar forveri Actavis, Delta, gerði fyrst samning við knattspyrnudeildina. Actavis hefur á undanförnum árum stutt dyggilega við íþrótta- og forvarnarstarf og lítur á það sem mikilvægan lið í að sinna hlutverki sínu – að efla heilsu og lífsgæði fólks.

Sumarið hefur farið vel af stað hjá knattspyrnudeild FH. Markmið meistaraflokks karla eru þau sömu og undanfarin ár –  að vera í toppbaráttunni í Pepsi-deildinni og ná lengra í Evrópukeppni. Meistaraflokki kvenna hefur gengið vel það sem af er sumri. Markmiðið hjá þessu unga og stórefnilega liði er að festa sig í sessi í efstu deild.