Meistaraball FH verður haldið í veislusal FH-inga, Sjónarhól, laugardaginn 1. október.

Hvetjum alla til að mæta og fagna með þessum frábæra árangri!

Föstudagsfjör í Sjónarhól, föstudaginn 30.sept kl 12:00. 

Heimir Guðjónsson, þjálfari FH og Davíð Þór Viðarsson fyrirliði FH fara yfir sumarið. 

Í boði er dýrindis lambalæri og með því á aðeins 2.000 kr 

Skráið ykkur sem fyrst hjá bryndis@fh.is eða elsa@fh.is 

LUV – hátíð í Kaplakrika fótbolta og handbolta veisla.

LUV-hátíðin er haldin í minningu Hermanns Fannars Valgarðssonar, mikils FH-ings sem lést langt um aldur fram árið 2011.

Toppslagur FH og Breiðabliks í pepsideild karla og fyrsti heimaleikur í Olísdeildinni FH – Valur.

4.fl karla varð í gær Íslandsmeistari í knattspyrnu eftir æsispennandi leik gegn Breiðablik. Eftir venjulegan leiktíma var staðan 0-0 og grípa þurfti til framlengingar. Á síðustu sekúndu leiksins skoraði Baldur Logi Guðlaugsson og tryggði þar með FH-ingum titilinn.

Til hamingju drengir!

Kæru FHingar, foreldrar og iðkendur 

Óskilamunir sem hafa orðið eftir hér í Kaplakrika hafa verið settir fram á borð í tengibyggingu og hægt er að vitja þeirra til mánudagsins 12.sept. Eftir mánudag verður farið með óskilamuni í Rauða krossinn. Hvetjum foreldra og iðkendur til að koma og fara yfir hvort eitthvað af óskilamunum tilheyrir sér. 

Starfsfólk Kaplakrika

Hið árlega Golfmót FH var haldið s.l. föstudag, 2. september við algjörar kjöraðstæður á frábærum golfvelli Keilismanna á Hvaleyrinni.

Mótið á sér langa sögu en það var fyrst haldið árið 1981 undir forystu félaganna Ingvars Viktorssonar og Ragnars Jónssonar.  Það hefur verið haldið árlega síðan þá og fór nú fram í 36. skipti sem gerir mótið að einu því langlífasta sem haldið er.

Þátttaka var mjög góð en alls luku 109 keppendur leik sem er með því mesta sem gerist í þessu móti.

Það var sérstaklega gaman að sjá hvað margar konur tóku þátt að þessu sinni, eða 21, sem er metþátttaka og umtalsvert meira en áður hefur verið.  Vonandi verður framhald á því.

Golfmót FH verður haldið föstudaginn 2.september. Mótið fer fram á frábærum Hvaleyrarvelli sem skartar sínu allra fegursta. 

Skráning fer fram á golf.is og í golfskála - Ræst út frá kl 10:00 - 15:00. 

Mótið er opið öllum skráðum félagsmönnum og stuðningsfólki 18 ára og elri. 

Árni Freyr Guðnason hefur verið ráðinn yfirþjálfari Barna- og unglingaráðs (BUR) knattspyrnudeildar FH og tekur við starfinu af Orra Þórðarsyni sem gengt hefur starfinu undanfarin ár. 

BUR býður Árna Frey velkominn til starfa og þakkar um leið Orra fyrir vel unnin störf á undanförnum árum.

Opnunartími í Kaplakrika um Verslunarmannahelgina er eftirfarandi: 

Laugardag: 08:00 - 18:00 

Sunnudag: 10:00 - 16:00 

Mánudag: 10:00 - 16:00 

Laugardaginn 2. júli verður haldið sérstakt minningarmót um hinn einstaka Helga Ragnarsson - Helga Ragg open. Ágóða af mótshaldi verður varið til kaupa á hjartastuðtæki til að hafa í golfskálanum á Setbergi. Helgi er ógleymanlegur öllum þeim sem honum kynntust, annálaður húmoristi og mannvinur. Hann var goðsögn í fótboltanum, (setti hann alltaf upp í vinkilinn þar sem þeir verja hann ekki), lék með gullaldarliði FH sem gerði garðinn frægan í 2. deildinni og stefndi ótrauður á frama í golfíþróttinni þegar hann féll frá fyrir aldur fram.

Við höfum fengið ábeningar um að átt hefur verið við hjólin sem eru fyrir utan Kaplakrika á meðan á æfingum stendur. Við viljum ítreka að láta iðkendur læsa hjólunum sínum. Ef hægt er væri best að læsa bæði í stell og dekk hjólsins þar sem upp hafa komið tilfelli þar sem framdekkið hefur verið skrúfað af hjólinu

Óskum eftir að ráða harðduglega og snyrtilega konu í 100% starf húsvarðar í Kaplakrika, unnið er á vöktum.

Starfslýsing: Almenn þrif í húsinu og á svæðinu. Þjónusta iðkendur og aðra gesti, svara í síma og svara fyrirspurnum varðandi félagið, æfingatíma og fleira.

Hæfniskröfur – Stundvísi, áreiðanleg, snyrtileg og dugleg.

Áhugasamir vinsamlegast sendið umsóknir á elsa@fh.is.

Þriðjudaginn 7. júní veittu fulltrúar 10 hafnfirskra íþróttafélaga íþróttastyrkjum fyrir 16 ára og yngri móttöku frá Rio Tinto Alcan og Hafnarfjarðarbæ við athöfn í Straumsvík.

Eftirtalin íþróttafélög hlutu styrk:

Opnunartími á Verkalýðsdaginn 1.maí 

Opið fyrir æfingar kl 10:00 - 16:00

Opnunartími á Uppstigningardaginn 5.maí 

Opið fyrir æfingar kl 10:00 - 16:00

Kveðja, Starfsfólk Kaplakrika 

Tilkynning frá Knattspyrnudeild FH
Vegna viðgerða á gervigrasinu í Risanum verður ekki hægt að nota Risann næstu daga. Í staðinn verður hægt að æfa á gervigrasinu upp á æfingasvæði. Vonandi gengur viðgerðin hratt og vel fyrir sig.

Heil og sæli

Opnunartíminn í Kaplakrika næstkomandi fimmtudag (20.apríl) verður frá 10:00 - 17:00. 

kv.  Geir H.  Kaplakrika.

Föstudagsfjör FH var haldið í hádeginu 8.apríl. Til okkar mættu Freyr Alexandersson landsliðsþjálfari kvenna og þeir Tómas Þór og Elvar frá útvarpsþættinum fotbolta.net á xinu977. Þeir settu upp spá fyrir sumarið og voru með fjörugar umræður um komandi tímabil. Við þökkum þeim og öðrum sem mættu í hádeginu fyrir komuna og sjáumst á næsta föstudagsfjöri þarnn 6.maí. 

Föstudaginn 8.apríl kl.12:00 í Sjónarhól verða Elvar Geir, Tómas Þór íþróttafréttamenn og Freyr Alexandersson að spá í spilin og fara yfir Pepsídeild karla 2016. Hið margrómaða lambalæri og bearnise verður á boðstólnum.  Verð aðeins kr.2.000.-

Skráning á bryndis@fh.is eða elsa@fh.is fyrir fimmtudaginn 7.apríl